Arranca en Samartín del Rei Aurelio’l concursu de canción asturiana

|

Un total de 122 intérpretes van tomar parte nel XVIII Concurso de Canción Asturiana de San Martín del Rey Aurelio qu’arranca esti vienres y que va allargase hasta xunu en L’Entregu. La novedá d’esta edición ye la celebración de la I Muestra de Gaita.

El Teatru Municipal va acoyer tolos vienres nos seis meses próximos, a les 19 hores, una sesión del concursu, que s’estrena güei cola participación de trece intérpretes. En categoría d’adultos van cantar Rubén Barredo (Villaviciosa), José Tronco (Cangas del Narcea), Eduardo Martínez del Cueto (Ponga), José Manuel González Granda (Llangréu), María Luisa Martínez Suárez (Xixón), María Aurora Platas (Xixón), José Luis González Rodríguez ‘El Presi’ (Avilés), Javier Toral (Mieres), Manuel López Menéndez ‘Carujo’ (Uviéu), Adolfo Amandi (Xixón) y Guzmán González Gutiérrez (Llugones). Mentes, na categoría de menores de 18 años van intervenir Andrea Méndez Martínez (Xixón) y Sofía Ordóñez (Bimenes).

Un xuráu encargaráse de premiar a los ocho meyores cantantes de les categoríes masculina y femenina d’aficionaos y profesionales, asina como los trés más destacaos na estaya infantil y de menores de 18 años. Enantes los concursantes habrán de pasar les les eliminatories y les semifinales, onde caún ha d’interpretar dos cantares d’estilos diferentes, onde podrán dir o non acompañaos pola gaita d’Alfonso de Les Regueres. Na final, el númberu de pieces ampliaráse a trés.

Los espertos tendrán en cuenta a la hora de tomar la so decisión sobre los concursantes “la calidá de la voz, la puesta n’escena, l’afinación o la dificultá de la composición”. La presentación de les gales del concursu qu’entama l’Asociación de la Canción y el Folklore Valle del Nalón en collaboración col Conceyu de Samartín del Rei Aurelio, ye Luis Alberto M. Ardines.

I Muestra de Gaita

La novedá de la edición d’esti añu del concursu ye la celebración de la I Muestra de Gaita, en modalidá individual. Tolos participantes, que llevarán vistimienta tradicional asturiana, competirán cola gaita asturiana d’un solo roncón en cualquier de les tonalidaes grillera, redonda o tumbal.

Cada interprete tocará dos pieces nes eliminatorias y semifinales, mientres que na final habrá de sumar otra más. Una d’elles ha de ser una xota asturiana del centru. na de ls cuales una deberá ser una jota asturiana del centro. Al final entregaránse un total de trés premios nesta estaya del concursu.

L’intérprete qu’abrirá la I Muestra de Gaita esta tarde va ser el mierense Daniel Valdés.

Contador Estadistiques