Areces pide la oficialidá olímpica pal castellanu

El presidente d'Asturies Vicente Álvarez Areces pidió que'l castellanu sía la tercer llingua oficial de les olimpiades xunta l'inglés y el francés. El xefe del executivu asturianu empobinose al presidente del Comité Olímpicu Internacional Jacques Rogge per aciu d'una carta na que sofita la petición que fexere'l cargu del Comité Olímpicu Español José Ramón Fernández

Vicente Álvarez Areces remémbrá-y na so carta al COI que la llingua castellana ye la tercera que más se fala nel mundu tres del chinu y del inglés y que ye la llingua materna del 6% de la población del mundu. El presidente asturianu camienta que diba ser "un éxitu pal comité" que s'aceptare l'español como tercer llingua del movimientu olímpicu, mostrándose con ello énte a la población de fala hispana y al mundu del deporte en xeneral l'esfuerzu d'adaptación a los tiempos nuevos y a les necesidaes reales, netoque se ficiere nel so momentu col idioma inglés.