Areces opta por menguar el tamañu del sector públicu

El presidente asturianu, Vicente Álvarez Areces, resaltó la importancia d’abordar la situación de crisis económica menguando “progresivamente el tamañu del nuesu sector públicu y de la nuesa Alministración".

Areces fixo estes manifestaciones nel so discursu nel actu d'entrega de los Premios al Ésitu Empresarial nel Principáu d'Asturies, entamaos pola revísta Actualidad Económica, celebráu nel Hotel Reconquista.
  
Señaló qu'hai que realizar un retayu paulatín nel gastu corriente, pero matizó qu'hai que caltener un nivel inversor "pa qu'haya tamién futuru" porque "la política actual nun ye namás de recortes".
  
A pesar de que les dificultaes de la crisis son "grandes", Areces señaló qu'Asturies venció munches vegaes eses dificultaes y que lo fixo colectivamente, "integrando, sabiendo qu'hai polítiques que son d'interés xeneral penriba de cualquier situación".
  
Estáu del bienestar    
"Lo que tien de saber tou ciudadanu ye que la voluntá democrática del pueblu d'España espresada nel so Parlamentu decidió que l'Estáu del Bienestar sosténganlo  les comunidaes autónomes, salvo la Caxa Única que ojalá nunca se sede y calténgase nel ámbitu del Estáu", manifestó Areces.
  
N'España, añedió, esiste un problema de fiscalidá si quier caltener la mesma calidá d'Estáu del Bienestar. "Otra cosa distinta ye escoyer cuálos son los tributos que tienen que pagar y quién los tienen que pagar, y si páguenlos proporcional o afechiscamente, tamién asumir el retu del fraude fiscal y toa una serie de cuestiones que tenemos que facer frente con muncha fuerza", dixo.