Areces fai chancia de los proyectos gallegos n’Asturies

El presidente asturianu Vicente Alvarez Areces quitó-tos fierru a los planes que, provinientes de Galicia, afalen polítiques normalizadores del gallegu en territoriu asturianu. Nun actu d'homenaxe a los profesores que se retiren esti añu, Areces dixo, en referencia a la propuesta que presentaren diputaos del PSOE en parlamentu gallegu, que si los gallegos-yos ofrecíen vacaciones gratis na comunidá vecina a los asturianos del occidente pa que deprendieren gallego, Asturies había facer otru tanto y poné-yos vacaciones de baldre a los gallegos n'Asturies. El presidente Areces dixo que la midida podría acoyese al Plan de Normalización, qu'afala'l gallego-asturianu y "las falas del occidente" que podríen convivir asina meyor col gallego. Areces apeló a la meyora de la ufierta turística asturiana y aseguró que l'occidente asturianu "ta en plena espansión".