Areces diz que nun lleó'l llibru anónimu que fai propaganda del so gobiernu

El presidente asturianu Vicente Álvarez Areces declaró nuna entrevista que-y concedió a la emisora Cadena SER que nun tenía conocimientu del conteníu de la obra editorial “Construyendo Asturies” na que se fai una llectura allabanciosa de les iniciatives del so gobiernu. Areces aseguró que la so alministración nun fexo namás qu’apurrir la información que-y solicitaren los editores, pero refugó cualquier denuncia sobre la posible financiación del llibru con perres del Gobiernu, declarando que yeren los llectores los que teníen de xulgar la publicación. Entrugáu pol periodista de la emisora sobre si a elli-y prestaba’l llibru, Areces retrucó que nun lu lleera entovía por tar de vacaciones.