Areces dio'l discursu d'investidura

Asturies yá tien presidente. Col actu protocolariu del discursu d'Investidura, Vicente Alberto Álvarez Areces tomó posesión del cargu pa esta llexislatura acabante d'entamar y na que va tener que gobernar col encontu d'Izquierda Xunida.

El discursu d'investidura
d'Areces, más bien curtiu, repasó los puntos más importantes de lo que va ser esta llexislatura, na que ve necesariu un cambéu de rellaciones sociales "y más aún de modificación de viejos esquemas culturales... para garantizar y profundizar en el modelo de desarrollo sostenible de Asturias"sorrayando ente los planes estrella del nuevu gabinete'l desarrollu del Área
Metropolitana Central, el desbloquéu de les líneas eléctriques "que nos
permitan exportar nuestra producción sin estrangulamiento" el trazáu "más
conveniente" pa l'Autovía del Cantábricu, los portalgos de la salida salida a la meseta, los
trazaos y plazos del tren d'alta velocidá, l'ampliación "más razonable" de los puertos de Xixón y Avilés
y la postrer fase del Plan de los Fondos Mineros.

Nun discursu estráu de referencies a la unidá d'España y la igualda de tolos sos ciudadanos "Asturias, desde su propia identidad, se siente parte integrante de esa España diversa y plural de la que hablo, y que aún tenemos que seguir construyendo para cimentar la convivencia entre todos los españoles ", les úniques referencies a la cultura asturiana vinieron al falar de la Universidá "que es y será para Asturias el primer y más cualificado motor de la investigación sin la que nuestro desarrollo sostenido no sería posible"