Arcelor diz que se compromete a invertir n'Asturies

El Presidente Areces y una delegación del Gobiernu Asturianu tovieron ayeri pela tarde en Luxemburgo una reunión cola directiva d'Arcelor pa interesase pol futuru de les fábriques asturianes de la multinacional del aceru. Nuna selmana marcada poles declaraciones de los sindicatos denunciando la posible desinversión del grupu nes plantes asturianes, Asturias se encuentra en una buena posición para captar nuevas inversiones el Presidente del Grupu, Joseph Kinsch, dixo que les instalaciones del grupu n'Asturies yeren "de les más competitives" pol so allugamientu na costa, y polos sos costes de producción, polo qu'Asturies diba ser ún de los "polos d'espansión" de la empresa, rescamplando la directiva del grupu la decisión d'asitiar n'Avilés el Centru d'Intelixencia Artificial como ún de los apuestes más claros del grupu por Asturies. Esti centru pue crear, al dicir de la empresa, ente 20 y 24 puestos de trabayu de muncha cualificación, pero los executivos de la siderúrxica y Areces reconocieron qu'Arcelor nun diba facer contratación directo de más xente nuevo sacantes el plan de remocique de la plantilla que cuenta con dir relevando a 900 trabayadores, anque los oxetivos de contratación y necesidá de mano d'obra va apautalos una comisión d'estudiu de la plantilla que va constituyise d'equí a la vuelta d trés meses.



Nel separtáu d'inversiones, Areces y Kinsch nun especificaron res sobre'l fornu eléctricu de chatarra, que supuestamente tendría de ser la garantía de permanencia d'Arcelor n'Asturies y que de momentu ta aplazáu "sine díe" nin tampoco del remocique del fornu nº2 de Veriña nin les meyores n'Acería LD3. D'otra manera plantegáronse oxetivos más a curtiu plazu, casu de la llínia de prepintao d'Avilés, que ta al 50% de la carga de trabayu que ye a llevar, y tamién la posibilidá de qu'empreses asturianes que trabayen pa Arcelor puedan competir en concursos que faiga la empresa en centros de producción d'otros llugares, y qu'otres empreses que furnen al grupu puedan invertir n'Asturies.

Tocantes a otru tema d'actualidá como ye l'aplicación del Protocolu de Kyoto que manda una mengua na emisión de gases d'efectu invernaderu, los responsables de la multinacional quixeron esclariar que, anque España emite un 38% más de gases que nel 1990, la siderúrxica lleva aplicando dende esi mesmu añu una política de mengua d'emisiones que llevó a que dende 1990, con una producción de 4,16 millones de tonelaes d'aceru y 6,9 millones de tonelaes d'emisiones de CO2 pasose nel 2000 a una producción de 4,34 millones de tonelaes d'aceru con una baxa d'emisiones hasta les 5,9 millones de tonelaes polo que Kyoto "nun ye un asuntu preocupante p'Arcelor n'Asturies"