Apruébense finalmente les ordenances d’asturianu de Grau

|
Plenu Grau repetíu ordenanza asturianu

El miércoles repitióse el Plenu del pasáu 24 d’ochobre nel que s’aprobaren les ordenances d’asturianu de Grau. La propuesta del equipu de gobiernu d’IX tuvo l’apoyu del PSOE, mentes que Foro y los cuatro ediles non adscritos votaron en contra.

Plácido Rodríguez Fernández, conceyal de Cultura, Desarrollu Llocal y Comunicación, encargóse otra vuelta de defender les ordenances, cola diferencia de que nesta ocasión la edil de Foro Patricia Álvarez Díaz y el non adscritu José Ramón González González abrieron un alderique “nel que s’emplegaron los argumentos más rancios habituales de la derecha al respeuto”. Asina, según rellata Rodríguez Fernández, “el gastu, la falta de consensu y el qué asturianu hai qu’emplegar” apaecieron nel debate.

Les ordenances salieron finalmente alantre gracies a los votos d’Izquierda Xunida (9) y del PSOE (3), teniendo que pasar agora un periodu d’información pública enantes d’entrar en vigor. “Va permitir que los ciudadanos tengan llibertá pa rellacionase cola alministración n’asturianu o castellanu. Nun implica imposición, nin obliga a naide”, esplica l’edil, que calca en que “les ordenances apurren derechos a la xente”.

Contador Estadistiques