Aprobaos cuatro espedientes toponímicos en Conseyu de Gobiernu

El Conseyu de Gobiernu del Principáu d’Asturies aprobó na so reunión d’esta mañana los Decretos polos que se reconocen los topónimos oficiales de los conceyos d’Amieva, Corvera, Grau y Noreña acordies cola revisión fecha polos mesmos conceyos y la Xunta Asesora de Toponimia del Principáu d’Asturies (XAT) col envís d’axustar los nomes de llugar a les sos formes tradicionales. Estos cuatro decretos son los primeros n’aprobase nel añu 2007, y con ellos iguálase’l númberu de decretos aprobaos nel 2006, en que namás pasaron pel trámite final los espedientes de Nava, Xixón, La Ribera y Colunga. En total, dende qu’entamó’l procesu de normalización de topónimos nel 2005, son yá 14 los conceyos que tienen recuperada oficialmente la so toponimia tradicional