Aprebada la llei de pareyes

La otra selmana, el Gobiernu asturianu aprobaba la Llei de Pareyes, un testu que vien a esclariar un poco los derechos de les pareyes ensin casar y que reconoz el derechu a acoyer neños por pareyes del mesmu sexu. Sicasí, como les competencies del Principáu nun dan pa muncho más, estayes tan importantes como la herencia o les pensiones de viudedá o el derechu d'adopción nun tan espeyaes nesti testu, el primeru de les sos característiques n'Asturies, anque por exemplu sí reconoz la igualdá ente pareya y matrimoniu convencional al pidir una vivienda de protección oficial al PrincipáuAnque la Llei nun va suponer un cambéu radical sobre la situación actual, pa los sectores de moral más conservadora el testu resulta inaceptable, y ta armando un espolín políticu de cierta importancia. El PP asturianu yá anunció la presentación d'un recursu d'inconstitucionalidá contra la llei, una salida que critiquen dende Xente Gai Astur. La veterana asociación de defensa de los derechos de los homosexuales ta acabante d'estrenar web nueva, y yá espubliza esti comunicáu nel que valora la llei y la postura énte ella del partíu conservador.