Apaez un pexe tropical n’Asturies

El Centru pal Estudiu y Protección de les Especies Marines (CEPESMA) dio anuncia de l'apaición d'un exemplar de Lagocephalus lagocephalus, un pexe del mesmu tueru que'l famosu pexe puercuspín

El pexe cayó en manes d'un pesquín del conceyu de Valdés que-y lu entregó al CEPESMA pal so estudiu. Según el centru d'investigación que dirixe Luis Laria, trátase de la primer vegada en qu'apaez n'Asturies un pexe d'estes característiques, que se conoz por tener pinchos lo mesmo que'l pexe puercuspín y por tener tamién un picu duru enforma qu'usa pa cazar y pa picar pel coral. Dende'l Cepesma apunten que la carne d'esti pexe ye tóxica dafechu en según que parte del añu. Propiu de llatitúes tropicales y agua más caliente, ye la primer vegada que s'atopa ún d'estos nel cantábricu y una de les poques vegaes qu'apaez tan al norte, en cuantes que namás se tien conocimientu d'un afayu en Galicia