Anulen la oficialidá en Llangréu

Les denuncies que presentare l'anterior Delegáu del Gobiernu n'Asturies contra les declaraciones d'oficialidá nos conceyos siguen cuayando cuatro años dempués. Agora, el Tribunal Superior de Xusticia d'Asturies ta acabante de suspender la declaración d'oficialidá nel conceyu de Llangréu, el más grande en que l'asturianu taba reconocíu como idioma cooficial. L'anulación en llangréu va más allá que la impugnación de la mesma en Castrillón o que la retirada de les ordenances municipales en Nava. Esta vegada, el TSXA sentencia tamién l'anulación de toles medíes que se llevaren en cumplimientu d'esta declaración d'oficialidá: cursinos pa funcionarios, rotulaciones de cais y carreteres etc quedaríen dafechu prohibíes. La radicalidá del determín xudicial llevó esta mañana al académicu de la llingua Xosé Antón González Riaño a falar de "ensañamientu" en rellación a l'anulaciónSicasí, ye d'esperar que esta anulación, cola que yá se contaba dempués de que salieren alantre les impugnaciónes d'oficialidá n'otros conceyos, nun torgue les midíes que'l conceyu tenía funcionando nesta materia . Nesti sentíu, la Oficina de Normalización Llingüística de Llangréu reconoció a Asturies.com que van seguir cola xera que tenía programada