Antonio ortega, el republicanu desconocíu

L'Atenéu Obreru de Xixón ta faciendo una riestra d'actividaes pa recuperar l'alcordanza d'Antonio Ortega. Ortega, un personaxe dafechu desconocíu pal públicu xeneral, tuvo un papel importante nel desarrollu de la Guerra Civil n'Asturies, faciendo'l llabor de Conseyeru de Propaganda del Conseyu d'Asturies en representación d'Izquierda Republicana.

Precísamente sobre l'ideariu políticu d'Antonio ortega va tratar la charra qu'esti llunes día 17 va dar a les 20:00h nel Atenéu Obreru de Xixón l'historiador Jesús Mella Pérez. El conferenciante tien estudiaos testos importantes y hasta agora desconocíos qu'analicen les responsabilidaes polítiques d'esti personaxe na Guerra Civil y los sos escritos políticos y lliterarios dende l'esiliu en Venezuela y Cuba, país onde-y tocó vivir la revolución castrista, que de manó recibió con entusiasmu pero de la qu'acabó arrenegando, faciendo ente toos estos socesos una biografía enforma interesante anque desconocía.