Andecha denuncia vertíos contaminantes na Ría d’Avilés

El partíu políticu Andecha Astur punxo una denuncia na Confederación Hidrográfica del Norte por vertíos al ríu Albares (Corvera) que repercutieron na Ría d'Avilés

El partíu políticu sospecha que los vertíos, podríen venir de les obres de construcción de la urbanización de Los Balagares, en Truyés, onde les lluvie de los últimos díes tendríen llevao per delantre una gran cantidá de barru y sable que pintaron de marrón ayeri xueves 13 d'ochobre tol ríu dende l'altura del embalse de Tresona hasta la mesma Ría d'Avilés. Vecinos del llugar denunciaron tamién los fechos énte la CHN y el Seprona, según diz l'agrupación local d'Andecha Astur, que sorraya que mientres el Conceyu d'Avilés s'esfuerza en vender la "falsa imaxe" d'una ría saneada "el tiempu vien a da-yos la razón a los que denuncien la mala situación ambiental de la mesma" amestándose los vertíos d'estériles d'esta selmana con otros de deterxentes y productos químicos que vienen dándose dende va tiempu