Andecha Astur d’Avilés refuga la central témica en Valliniello

L'agrupación dAndecha Astur nel Conceyu d'Avilés espresó esta selmana al traviés d'un comunicáu de prensa la so refuga énte la falta de información y el secretismu col que'l partíu diz que ta llevando alantre'l Conceyu les repercusiones que tendría la construcción del proyectu central térmica a ciclu combináu en Valliniello que defende la empresa Isolux

El partíu nacionalista d'izquierdes considera "inaudita la simpatía cola que'l gobiernu local espera pola realización d'un proyectu que paez que yá ta aprebáu enantes de presentase" y quier condenar "el silenciu col que l'equipu de gobiernu lleva l'asuntu énte la ciudadanía" a la que diz que se-y tan ocultando datos sobre los riesgos pa la salú que lleven arreyaos la espulsión de gases de la central. P'Andecha Astur - Avilés esta ye una conducta hipócrita y d'engañu que se pretenda vender una imaxe d'un Avilés recuperáu mediuambientalmente y que se pretenda llevar alantre al empar proyectos como'l de la construcción de la Central Térmica que p'Andecha Astur nun representen alternativa nenguna d'enerxía llimpio. L'agrupación local d'AA amestóse tamién a la condena d'Ecoloxistes n'Acción, que-y concedió a la Ría d'Avilés una "bandera prieta" por ser un focu de contaminación y denunció'l vertíu descomanáu de deterxentes que salieron esta selmana d'Aceralia a la ría.