Andecha Astur convoca'l so día d'Asturies

Una manifestación peles cais d'Uviéu ye la manera qu'escoyó'l partíu Andecha Astur pa celebrar el próximu 8 de setiembre.

Andecha Astur vuelve a escoyer la capital asturiana pa pasar el día d'Asturies, opoción que yá vien siendo un vezu nesta organización d'unos años p'acá. La manifestación, que va echar andar a les 13:00 hores dende'l Paséu de Los Alamos n'Uviéu, va encabezada pol llema "Futuru p'Asturies, Futuru n'Asturies". D'esta manera la organización quier da-y un fuerte calter revindicativu al so día d'Asturies pidiendo "la fin de la política de destrucción económica y social que tamos sufriendo los asturianos, y un Futuru n'Asturies, reivindicando'l drechu del conxuntu del Pueblu Trabayador Asturianu a poder vivir dignamente nel so propiu país".

Tres de la manifestación va haber un actu políticu onde va haber intervenciones de la organización xuvenil Darréu, ún de los conceyales d'Andecha Astur asina como de David Rivas Infante.