Anabel Santiago prepara discu xunta l'Asturiana Mining Company

La cantante Anabel Santiago entama una nueva aventura musical acompañada polos músicos que formen l'Asturiana Mining Company.

Esti vienres día dieciséis va entamar la grabación en directo d'un discu ente la cantante de tonada Anabel Santiago y la Asturiana Mining Company. La grabación va facese nos estudios La Factoría de Piedras Blancas y a ella tan convidaos prensa y medios especializaos pa dar cuenta d'esti proyectu musical.

Dempués de la grabación de "Al son de la lluna", Anabel Santiago nun acababa de tener una banda afitada cola efrentase a la dura preba del directu, y yá son dellos los nomes que pasaron pela banda de la cantante anque ensin quedar munchu tiempu, lo que nun permitió facer un trabayu continuáu. Agora Anabel fai un apueste por un grupu afitáu na escena musical asturiana y con nomes que son parte de la historia del folk asturianu, con Lee Wolfe na guitarra y dobro, María Álvarez al curdión, Ángel Ruíz nel banjo, Fernando Arias nes percusiones y la voz d'Alberto Varillas. Nesta grabación vamos poder escuchar cantares de "Al son de la lluna" y tradicionales, too ello nun formatu acústicu y buscando un soníu nuevu dafechu pero que concueye cola voz d'Anabel.