Ana Rosa Migoya da anuncia d’avances na Cueva del Sidrón

La conseyera de Cultura Ana Rosa Migoya presentó esta mañana en Piloña dellos avances na escavación de la Cueva del Sidrón, na que l'equipu d'escavaciones que dirixe'l caderalgu Javier Fortea atopó un güesu occipital que confirma, otra vuelta, la importancia de la cueva de Piloña como ún de los afayos más importantes de neanderthales de la península. Ana Rosa Migoya esplicó que, acordies colos datos que da l'equipu d'investigación, la cueva ye namás una parte d'un habitat neanderthal que s'espardía per tola rodiada de la zona onde se faen les escavaciones.

El Sidrón aporta asina más afayos de gran importancia p'apautar el tramu final de la evolución del neanderthal, una especie que, bien poco dempués del tiempu en que vivieron los neanderthales de Piloña diba desapaecer énte'l puxu del Homo Sapiens, especie que yá taba asitiada n'Asturies nel tiempu en que se data'l Sidrón, pal que les prebes dan una fecha d'aprosimadamente va 40.000 años, mientres que l'apaición del Sapiens nel planeta rexístrase alredor d'unos 45.000-50.000