Alonso tuvo la cigua en Malasia

Mal fin de selmana pa Fernando Alonso en Malasia, el circuitu onde l'añu pasáu marcó la pole y montó nel caxón. L'asturianu, que paecía otra vegada l'únicu capaz d'axuntase colos imparables Ferrari, salióse de la pista na vuelta de clasificación que valía pa cronometrar y tuvo que salir dende lo cabero de la parrilla de salida. Alonso adelantó en trés vueltes hasta ponese octavu y entamó una remontada que prometía muncho, pero l'equipu Renault enquivocóse cola estratexa de paraes en boxes, mandando a Alonso parar dos vegaes en cuenta de les trés que taben apautaes, ello dempués d'arrepentise primero de pensar que diben ser meyor dos. El barullu de los xefes d'equipu obligó al asturianu a mandase pela pista con un coche mui pesáu pola carga de gasolina de más y que nes vueltes del final acusó'l desgaste de les cubiertes. Con too y con ello, el pilotu asturianu entró nos puntos na sétima posición.