‘Alimentos del Paraíso’ va poner un mercáu con 25 productores n’Agropec

Del vienres al domingu’l xixonés Recintu Ferial Luis Adaro va acoyer la trentenu quinta edición de la Feria del Campu y de les Industries Agrícoles, Ganaderes, Forestales y Pesqueres (Agropec). ‘Alimentos del Paraíso’ va tar presente per primer vegada con un mercáu.

Quesos, miel, xata, choscu, vinu de Cangas, productos ecolóxicos, marañueles, chorizos y morcielles, güevos de casería, platos preparaos y xelaos ellaboraos con lleche propio de la esplotación de 25 productores baxo esta marca de calidá van tar a la venta nel pabellón 1. Na mesma van entamase tamién prebes y acompañamientos de comida con bébores.

Amás, el programa inclúi la presentación del proyeutu Leader La Panera de Asturias y d’una aplicación móvil pa los trámites rellacionaos cola Política Agraria Común (PAC). La intención de la Conseyería de Mediu Rural y Cohesión Territorial ye dar continuidá a esti mercáu de ‘Alimentos del Paraíso’ n’ediciones próximes d’Agropec.

L’actividá nesta feria va tener llugar per trés díes, del vienres al domingu, con esposiciones, alderiques y certámenes, ente los que destaca'l ‘Concurso Nacional de la Raza Frisona’, entamáu pola Confederación de sociaciones de Frisona Española (Conafe), que celebra la so cuarentena segunda edición.