Alicia Castro dexa la política activo pidiéndo-y al PP asturianu que se renueve

La diputada nacional del PP por Asturies, Alicia Castro, confirmó ayeri la so decisión de dexar la política activo y adelantó que por ello nun va formar parte de la candidatura de los populares pa les próximes elecciones xenerales del 2008. La razón, según Castro ye que va dedicase a "una nueva actividá dientro del mundiu de la empresa privada".

Na so despedida, la política aprovechó pa pidir "responsabilidá" a la dirección del PP asturianu, y mostróse a favor d'una "renovación del partíu".

Castro fizo eses declaraciones nuna multitudinaria comparecencia na sede del partíu a la qu'acudieron dos de los sos fíos, el so hermanu y la so cuñada. Lo que de primeres diba ser una rueda prensa, tornó na llectura d'una declaración per parte de ex diputada, que nun concedió entrugues a la prensa.


Castro insistió en que nun dexa'l PP sinón que sólo da un "pasu p'atrás". Lo que sí llanzó foi un claru mensaxe críticu a la dirección del PP d'Asturies, encabezada por Ovidio Sánchez. Asina, pidió "responsabilidá" a los que dempués de prensetase en más d'una ocasión a unes elecciones, "nun algamaron de los ciudadanos el respaldu necesariu pa gobernar".

Solicitó-yos amás a los dirixentes del PP d'Asturies que, tres una "fondera reflexón" sobre'l so futuru políticu, actúen cola mesma "xenerosidá" que tuvo con ellos el PP cuando los nomó candidatos. Castro apostó asina por una "renovación" que dea pasu a cares nueves, y persones qu'aporten nueves idees y proyectos en beneficiu de la sociedá.
"Ésti ye'l mio deséu y el de la inmensa mayoría de los asturianos que voten al PP y que queremos que nes próximes elecciones xenerales el PP d'Asturies contribuya a la victoria que permita a Mariano Rajoy ser el presidente del Gobiernu d'España", sentenció.