Alicia Álvarez crea ‘Pulgarina’, un discu-llibru con siete cantares de pop intimista

|
Alicia Álvarez crea ‘Pulgarina’, un discu-llibru con siete cantares de pop intimista

Yá ta a la venta ‘Pulgarina’, la historia creada pola escritora y música Alicia Álvarez. Trátase d’un discu-llibru con siete cantares de pop intimista y con ilustraciones d’Alicia Varela que cuenta con versión n'asturianu y en castellanu.

“Yera una neña tan pequena que nun consiguía ver les coses con perspectiva…” ye la cita qu’abre ‘Pulgarina’, que fala d’una neña diminuta apesadumbrada pol so tamañu qu’entama un viaxe de descubrimientu personal onde nada ye lo que paez sinón sólo una cuestión de perspectiva. El llector va siguir la historia al traviés de los cantares de la componente de Pauline en la Playa compuestes y interpretaes con guitarres y sintetizadores pola propia música, producíos por Daniel Fletcher y grabaos nos estudios Supersonic.

L'álbum ilustráu, mientres, vien con un formatu de tapa dura de 27x23cm. ‘Pulgarina’ ye una referencia de ‘La Fabriquina, creaciones culturales’ y na so versión asturiana ta editada por Araz.net, empresa editora tamién d’Asturies.com. Yá ta disponible pa la vienta nes tiendes y online na so versión n'asturianu n'Asturshop.

Pulgarina preséntase na so versión en castellanu'l sábadu 12 de payares a les 19.00 h. nel Muséu Barjola de Xixón y presentaráse nel mes d'avientu n'asturianu tamién en Xixón.

Contador Estadistiques