'Alderiques d'Asturies' avérase al llabor del FAPAS con Hartasánchez

|

Roberto Hartasánchez, del Fondo para la Protección de los Animales Salvajes (FAPAS), ye'l convidáu de 'Alderiques d'Asturies'. El programa emítise'l sábadu a les 19 hores.

La historia del FAPAS, la caza furtiva d'osos, el conflictu pol llobu y la situación del gallu montés son dalgunos de los temes que se van tratar nesta entrevista nel que'l conductor Samuel Gradín va tar acompañáu polos periodistes Pablo R. Guardado, redautor d'Asturies.com, y Inaciu Galán, como ye vezu nel formatu d'entrevista llarga de 'Alderiques d'Asturies'. Más de 40 minutos de charra con Hartasánchez, un históricu de la defensa de la natura nel país.

'Alderiques d'Asturies' dio'l saltu recién a la televisión al traviés del canal MuyMuy Televisión, que s'emite na plataforma de cable Telecable y que tien cobertoria per TDT nos conceyos de Gozón, Carreño, Xixón, Villaviciosa y Colunga. El programa sobre'l FAPAS va emitise a les 19 hores d'esta tarde.

Contador Estadistiques