Alderiques 2.0 analiza la temporada y el futuru de Sporting y Uviéu

|
Samuel Gradín Alderiques 2.0.png

Samuel Gradín y Pablo R. Guardado van aldericar sobre los dos equipos asturianos, que van militar otru añu más en Segunda.

Alderiques 2.0 va emitir esta tarde en direuto, a les 17.30 hores per Facebook Live, un programa nuevu, nesta ocasión dedicáu al Sporting y al Uviéu. La campaña terminada recién, pendiente entovía de les eliminatories pol ascensu por mor del positivu de los xugadores del Fuenlabrada, va ser analizada nesti espaciu de radiu, asina como les perspeutives de futuru de dambos conxuntos.

El conductor Gradín va tar acompañáu pol redautor d'Asturies.com, Rodríguez Guardado, nesta entrega d'Alderiques 2.0. El programa permite interactuar col públicu, que va poder mandar les sos entrugues al traviés de Facebook Live.

Na semeya, Gradín nún de los programes en direuto d'Alderiques 2.0.

Contador Estadistiques