Alcuerdu en clave nacionalista pa celebrar el 8 de setiembre

La otra selmana Asturies.com daba anuncia de la convocatoria encabezada por Izquierda Xunida y les centrales sindicales más grandes con vistes a facer un actu conxuntu el día d'Asturies. Anque amplia, esta convocatoria nun ye, nin con muncho, unitaria. Delles organizaciones nacionalistes como Partíu Asturianista, Andecha Astur o Izquierda Asturiana nun quixeron participar por estremaos motivos nesta convocatoria, menguada tamién pola non asistencia de colectivos sociales bien representativos como la Xunta Pola Defensa de la Llingua Asturiana, que tampoco nun quixeron dir a un actu d'estes característiques.Quedaba abierta la posibilidá d'un hipotéticu alcuerdu ente estes tres fuerces, que tienen por denominador común el nun tar dientro de nengún proyectu d'ámbetu estatal. Ello ye que si non les tres, a lo menos dos d'elles piensen facer un 8 de setiembre conxuntu, como ta acabante d'anunciar Izquierda Asturiana nun comunicáu nel qu'esplica'l principiu d'alcuerdu al que tan acabante de llegar col Partíu Asturianista depués depués de que'l partíu de Xuan Xosé Sánchez Vicente aceptare l'ofrecimientu d'IAS pa facer un actu conxuntu'l Día de la Nación Asturiana. A falta de saber lo que faigan otros colectivos, l'alcuerdu IAS-PAS parez qu'encadarma un polu nacionalista cara a la celebración del 8 de setiembre.

Contador Estadistiques