Alcuentru de lliteratura n'asturianu occidental

La Xunta pola Defensa de la L.lingua Asturiana nel Occidente organiza ente los díes 24 y 25 d'abril el I Alcuentru d'Escritores n'Asturianu Occidental.

La Xunta del occidente camienta que ye oportuno y interesante axuntar a los escritores con obra escrito na variedá occidental del idioma pa reflexonar alredor de toles circunstancies que determinen y condicionen el fechu creativu n'asturianu occidental. Col formatu de conferencies y ponencies, les xornaes van tratar a lo llargo de dos díes la situación de temes como la situación de les fales occidentales del dominiu llingüísticu asturorromance -tanto al norte como al sur del Cordal- o de la lliteratura n'occidental primero y dempués del Surdimientu.

El programa de les xornaes, qu'entovía ta por pesllar, va incluyir el sábadu 24 pela tarde un homenaxe al escritor de Cigüedres (conceyu de Balmonte) Xosé Álvarez "Pin" desapaecíu nel añu 2001.

La organización de les xornaes da anuncia de que l'agospiu en réxime de pensión completa del sábadu 24 pal domingu 25 cuerren a cargu de la organización, y ye por ello que ye imprescindible que quien quiera dir confirme l'asistencia primero del día 7 d'abril al teléfonu 661 75 90 50.