Alcuentru de Bandurrieros en Caliao

L'Asociación de Folclor Tradicional La Quintana, celebra esti sábadu día 6 de mayu del 2006, el 9 º Alcuentru de bandurrieros, en Caliao, conceyu de Casu.

Esta cita musical, que va celebrase nel salón d'actos les antigües escueles del pueblu, va entamar a les 6 de la tarde cola proyección d'un audiovisual realizáu pol investigador y músicu, Daniel García de la Cuesta, entamador d'estos alcuentros y responsable tamién del CD "Cantares de bandurria" , trabayu onde s'espeyen investigaciones inédites feches sobre esti instrumentu.

Un homenaxe al desapaecíu bandurrieru David Caballín va dar pasu pasu a un conciertu nel que van intervenir ente otros los músicos Rafa San Emeterio "Mimi", de Cantabria, Miguel Ángel García y José Francisco Fernández, de Lleón.
Dende va unos años p'acá, esti alcuentru que recupera la gran tradición casina de bandurria ta abriéndose tamién a la gaita rabil o zanfonía, instrumentu del que queda abonda alcordanza nel conceyu.