Día del Llibru Asturianu

Alcoa zarra la so planta asturiana dexando na cai a más de 300 persones

|

La multinacional estauxunidense Alcoa ta acabante d’anunciar el zarru de dos de les trés factoríes que tien nel Estáu: la d’Avilés y la d’A Coruña. La planta asturiana productora d’aluminiu primariu emplega a más de 300 persones de manera direuta.

L’amenaza d’un despíu coleutivu nel 2014, a lo que siguió’l d’un axuste nel 2015 y el comienzu d’un procesu de venta nel 2016, confirmóse finalmente esta mañana cola anuncia del zarru de la factoría avilesina d’Alcoa xunto cola d’A Coruña. D’esta forma, el xigante americanu del aluminiu caltién activa nel Estáu namái la tamién gallega de San Cibrao.

En total, son casi 700 los trabayadores que queden na cai, la metá d’ellos n’Asturies. Los argumentos daos pola empresa ye’l costu del preciu del costu de la lluz, la vieyura de les instalaciones y la situación del mercáu pola sobreproducción china.

Contador Estadistiques