Air Nostrum va meyorar el serviciu d'Asturies a Madrid y Barcelona

La llinia aérea Air Nostrum, filial d'Iberia, va poner dende'l mes d'ochobre vuelu diariu ente Asturies y Barcelona en dambos sentíos colo que va haber vuelu a El Prat a primer hora de la mañana y a primera de la tarde, ello al empar que va reforciase tamién la conexón con Madrid con seyes vuelos más que van entamar a volar dende'l 29 d'ochobre. Estos vuelos respuenden al pidimientu del Gobiernu asturianu, que-y solicitare a la empresa conexones cola capital española y con El Prat. Dende Iberia-Air Nostrum sorrayen que los horarios de dambos servicios van permitir l'enllaz con otros vuelos nacionales e internacionales.

L'anuncia d'Iberia-Air Nostrum vien poco dempués de que la empresa Air Asturias diere tamién anuncia del entamu pal mes d'ochobre de les sos operaciones, con cuatro frecuencies a la selmana, dende l'aeropuertu d'Asturies colos de Roma, Milán, Lisboa y con un aeropuertu alemán entovía por definir. Dende l'aeropuertu asturianu tamién opera la compañía EasyJet, que tien una llinia diaria ente Asturies y Londres-Stansted.