Afonda la crisis n'educación

Depués de que la selmana pasada los sindicatos d'enseñanza decidieren dexar la mesa de negociación cola Viceconseyería d'Educación, güei foi la Xunta de Personal Docente non Universitario la que denunció'l bloquéu de la negociación ente Principáu y comunidá educativa. En rueda de prensa d'esta mañana la Xunta de Personal Docente denunció ente otros puntos que tan desapaeciendo places del sistema educativu ensin qu'haya xustificación pa ello, que nun ta dándose-y un mínimu d'estabilidá al profesaráu intertín y que na negociación pa cubrir puestos vacantes dexose en manes de los centros.

Otramiente, la Xunta de Personal emplazó a la Viceconseyería a responder na mesa de negociación con propuestes concretes a la creación del Comité de salú Llaboral, implantación de la xornada de 35 hores pa poder igualar la docencia coles demás estayes del funcionariáu autonómicu, xuba de salarios hasta llegar a la homologación, meyora d'incentivos pa xubilación anticipada y xuba de la partida presupuestaria d'acción social.