AENA da anuncia de la meyora de resultaos del aeropuertu asturianu

En medio del debate sobre la conveniencia o non de la entrada de compañíes de vuelos baratos a poner serviciu n'Asturies, la empresa estatal d'aeropuertos AENA ta acabante de dar cifres nueves sobre'l tráficu que mueven les sos instalaciones. Ello ye que Ranón movió nel mes de xunetu un total de 89.421 pasajeros, un 6% más que l'añu pasáu, mientres que no que va d'añu emplegaron les instalaciones de Ranón 532.859 pasaxeros, un 13,6 por ciento más que nel mesmu acumuláu del 2003.

Nel mes de xunetu de 2004 despegaron o aterrizaron na terminal asturiana un total de 1.243 aviones.

L'aeropuertu asturianu rexistra asina un aumentu de vuelos y pasaxeros, pero perbaxo de la media estatal, que foi del 7,9% respective al mesmu mes del 2003. En movimientu de mercancíes, Ranón nun concueya cola tendencia española, y mientres los aeropuertos d'Aena movieron 54.919 tonelaes de mercancía (+10,8%) Ranón perdió nestos tráficos un -5,4%, si bien ye verdá que l'aeropuertu asturianu tien un movimientu de mercancíes simbólicu, pasando peles sos pistes un total de menos de 40 tonelaes de mercancía.