Adopción y matrimoniu revindicaciones nel día del orgullu gai

Güei de tarde Xente Gai Astur (Xega) presentó'l programa d'actos pa celebrar el día del orgullu gai col llema "Matrimoniu - Adopción. ¡Agora, sí!".

La reivindicación del derechu a l'adopción y al matrimoniu van ser les principales cuestiones a revindicar nel día del orgullu gai d'anguaño. Dende Xega consideren que'l nuevu gobiernu español escoyíu el 14 de marzu tien que ser más sensibles pa coles revindicaciones de los colectivos gais. Nesti sen consideren qu'esta vegada tienen que dase les reformes necesaries p'asegurar el derechu d'adopción y matrimoniu pa pareyes del mesmu sexu.

El programa d'actos incluye charres va n tratar temes como "La represión sobre gais y lesbianes a lo llargo'l franquismu", "Los nuestros fíos, gais o lesbianes, merecen el nuesu cariñu y el to respetu". Amás de la tradicional manifestación del 28 de xunu qu'esta vegada va ser en Xixón. Güei tamién diose anuncia de los ganadores de los concursos Triangulu Rosa y Ladrillu Rosa 2004, VI Concursos de Relatos y VII Concursu de Carteles.

El Triángulu rosa y el Ladrillu Rosa son unos premios que quieren premiar o castigar a persones o instituciones que tuvieren un comportamientu, caún nel so casu, positivu o negativu pa colos derechos de gais y lesbianes. El Ladrillu rosa, el premiu llimón, foi esti añu pa José Manuel González Campa, psiquiatra uvieín que fizo unes declaraciones la prensa nes qu'aseguraba que "que los homosexuales tan emocionalmente enfermos". El Premiu Triangulu Rosa foi pa José Manuel Ruiz autor de la novela "Amar en Comillas". El Ganador del VI Concursu de Relatos 28 de Xunu, convocáu pola nuestra asociación, el I Premiu ye pal relatu presentáu por Oswaldo Martín Santana, de Valencia "Historia de Juno", De los carteles presentaos nel VII Concursu de Carteles "28 de Xunu" el ganador foi'l presentáu por Iván García Pozo, d'Uviéu. El so cartel va ser el que presenta XENTE GAI ASTUR nos diferentes actos programaos pa conmemorar el 28 de xunu d'esti añu.