Actividaes pal fin de selmana

Una serie de conciertos de diferentes grupos a lo llargu d'esti
sábadu ye una de les actividaes que mas rescamplen pa esti fin de
selmana. Bandes de rock como "The Thunderbolts"
o "The Electric Co."
presenten les sos últimes creaciones musicales en distintes sales de
Xixón. El domingu en cambio ye'l dia afayadizu pa que los neños
disfruten de dos obres de teatru infantil, "Cuentos sin cuentos" y
"El elefantito", que s'estrenen en Llangréu y Mieres
respectivamente. Dambes representaciones formen parte de la
programación
infantil de la Obra Social y Cultural de Cajastur.

Asimesmo continúa abierta al públicu la esposición
entitulada "Arte Británicu. Sieglos XIX y XX", una amuesa
d'arte británicu correspondiente a los sieglos XIX y XX que puede vese
na Sala d'esposiciones del Banco Herrero. Mas información y actividaes
pa esti fin de selmana na nuesa axenda d'ociu.