Actividá pa la casa d’Asturies en Bruseles

El Centru Asturianu de Bruseles va encargase d'organizar actividaes culturales nel edificiu qu'Asturies tien acabante d'estrenar na capital belga gracies a un conveniu cola Axencia d'Emigración. Los directivos del Centru y l'Axencia Asturiana d'emigración señalaron que se trata de facer un programa d'actividaes enfocaes a los emigrantes pero tamién al conxuntu de la sociedá belga en xeneral y a los ciudadanos europeos que pasen pela capital comunitaria. Ello va llograse gracies a un conveniu que va firmase a primeros del añu qu'entra y que va permitir enanchar "la proyección de la imaxe d'Asturies nel ámbitu cultural en toa Europa" según destacó'l Presidente del Centru Asturianu de Bruseles, Dionisio Fernández.

Un homenaxe al estudiosu del folclor Eduardo Martínez Torner a los 50 años de la so muerte, actividaes alredor de la figura d'Alejandro Casona y Alfonso Camín, son delles de les actividaes que yá tien previsto organizar el Centru Asturianu na capital belga. Xunta ello, va tratase de qu'Asturies seya la rexón convidada na fiesta cultural que se fai tolos años en Liege, la capital valona.