Acabó'l llabor del comité de sabios sobre la reforma l'estatutu

El 3 de payares el presidente d'Asturies Vicente Álvarez Areces va preséntase-yos oficialmente y en persona a los grupos parlamentarios l'informe de los espertos del "comité de sabios" sobre la reforma del Estatutu d'Autonomía d'Asturies.

La xunta ente'l presidente Areces y los representantes de los trés grupos parlamentarios con representación na Xunta Xeneral del Principáu va celebrase na sede de la Presidencia del Gobiernu a les 12:30 hores, cumpliéndose asina lo qu'espresare Areces nel Debate d'Orientación Política d'Asturies el pasáu mes de setiembre. Da asina un pasu más el procesu de reforma estatutaria, que sigue cola dulda de si podrá trancase nesta llexislatura o si va quedar pa la siguiente, como camienten dellos especialistes. En cualquier casu, y lo mesmo que na reforma de va agora ocho años, la reclamación de la oficialidá del asturianu va ser una de les cuestiones que centren el debate social sobre la reforma estatutaria como preba'l fechu de que, a lo dos díes d'aconceyar el presidente colos grupos parlamentarios tea convocada n'Uviéu una manifestación pola oficialidá.