Acábase l'Insalud

L'añu qu'entra va traer una novedá cola que yá se contaba pero que nun dexa de ser noticia. L'Insalud despaez y el Gobiernu asturianu queda d'amu del sistema sanitariu. 156.012 millones de pesetes ye la cantidá en que se tasó a la fín el trespasu de la sanidá del gobiernu central al d'Asturies. Dempués de selmanes de negociaciones, y del "trágala" que-y punxo Madrid al Gobiernu asturianu, xuntando'l trespasu sanitariu col seguir nel sistema de financiación de les comunidaes autónomes, el gabinete Areces aceptó la última ufierta estatal, que sigue perbaxo de lo que se pidía pero que lleva venceyada una de les aspiraciones del Principáu: facer l'hospital nuevu de la Cadellada n'Uviéu pa sustituyir al complexu d'El Cristo.

La tresferencia sanitaria completa'l desarrollu autonómicu que previstu na reforma del estatutu. Mientres sigue ensin definise'l modelu sanitariu del país, con dellos hospitales como'l del oriente en situaciones alministratives que nun son les más apropiaes, y cuando'l Gobiernu asturianu acepta el trespasu perbaxo de les perres qu'el mesmu pidía, el Principáu conviértese nel mayor patrón d'Asturies, con más de 30.000 puestos de trabayu dependiendo d'elli y alministrando cerca de 3.000 millones d'eurus de presupuestu.¿Vien en bon o mal momentu la tresferencia sabitaria? ¿negocióse bien o foi un amagüestu impresentable? Esta ye la entruga que plantegamos dende güei en Conceyu Abiertu. Recursos na rede: - Plataforma cívica pol hospital- Conseyería de Salú