Acaba’l plazu pa que llegue’l votu de la emigración

Acordies coles estimaciones, la participación de los emigrantes asturianos nes elecciones autonómiques y a conceyos puede allegase a les 14.000 persones,aproximadamente lo mesmo que nel 2003, cuando s’algamó una participación histórica d’esti colectivu que tradicionalmente nun apurría más d’unes 7.000 papeletes. L’Arxentina, Suiza y Bélxica son los países qu’apurren más votu emigrante. Güei acaba’l plazu pa que se reciban papeletes de la emigración, un votu que suel ser mayoritariamente favorable al PSOE. Nel 2003, los votos de la Asturies exterior repartíeronse ente 6.707 votos pal PSOE, 4.502 pal PP y 631 pa Izquierda Xunida-Bloque por Asturies