Abierta la convocatoria p’aspirar a 947 viviendes protexíes en siete conceyos asturianos

Les 3.080 persones actives nel Rexistru de Demandantes de Vivienda Protexida (Red Viva) van poder aspirar a les 947 viviendes protexíes qu’ufierta la Conseyería de Bienestar Social y Vivienda. Los pisos distribúyense per siete conceyos.
 
Uviéu, con 440 viviendes, presenta la meyor ufierta. Siguen a esti conceyu Xixón (269), Mieres (130), Avilés (53), Siero (30), Villaviciosa (15) y Llangréu (10). La mayoría de los pisos que pueden solicitase son en venta, cola única esceición de seis viviendes en La Pola Siero que s’ufierten n’alquiler.
 
Les persones inscrites nel Rexistru que tean interesaes nuna d’estes promociones tienen un plazu de 10 díes pa solicitar una d’estes viviendes al traviés del Red Viva. Les promociones tán anuncies na web pa que los demandantes les conozan y puedan inscribise como solicitantes. Les llistas de demandantes van unviase a los promotores en función de los solicitantes que s’inscribieren na convocatoria atendiendo al orde establecíu nel sortéu que va facese de forma previa.
 
Los trámites de xestión de la solicitú y alta en Red Viva pue facese al traviés de la web www.asturias.es siempre que se cumplen los requisitos necesarios. Quién nun cuente con accesu a Internet tien la opción de facelo nel Teléfonu d’Atención al Ciudadanu 012.