Abierta en Llanes la esposición 'Detalles de tradición'

Ta compuesta por semeyes sobre'l traxe tradicional del oriente del país.

Ayeri inauguróse na Casa Cultura de Llanes la esposición 'Detalles de tradición', de la segoviana Mariam Useros, de Mausba Foto. Ésta ta formada por una ventena de semeyes de gran formatu que muestra testures, colores, formes y demás detalles de los traxes tradicionales del oriente asturianu.

'Detalles de tradición', que yá se pudo ver en Benia, Porrúa, Brihuega y Zaragoza, va tar abierta al públicu hasta'l sábadu, con entrada de baldre. L'horario d'apertura ye de 17.30 a 21 hores, hasta'l vienres, y de 11 a 13 hores y de 17 a 21 hores.

Semeya de Mausba Foto que forma parte de la esposición.