57.000 euros pal folklore na emigración

La Conseyería de Rellaciones Esteriores va llevar al Conseyu de Gobiernu d’esti xueves 1 de xunu una propuesta de collaboración de la Federación d’Agrupaciones de Folklore Asturianu (FAFA) pa qu’esti organismu collabore colos centros asturianos nel esterior. L’acción inxértase nel Plan Integral d’Emigración 2004-2007 y va tener como parte responsable de llevar alantre les actividaes a la Federación d’Agrupaciones de Folclore Asturianu, na que s’inxerten cerca d’un cientu de grupos folklóricos asturianos y tamién de grupos folklóricos de los mesmos centros asturianos, pal desarrollu d’actividaes musicales y etnográfiques. La partida presupuestaria ye de 57.000 euros.