40.000 asturianos van poder recibir la declaración de la renta per corréu

Al 10% de los contribuyentes asturianos, esactamente 39.249, yá tan llegándo-yos a casa les cartes de l´Axencia Tributaria onde se-yos ufierta la posibilidá de recibir per corréu un borrador de la declaración de la renta. L'oxetivu d'esta campaña ye facilita-yos el llabor a los contribuyentes pa que naide tenga problemes a la hora de pagar a Facienda. Los destinatarios d´estes cartes van poder tener un borrador de la so declaración, que namás con firmalu y unvialu a Facienda yá va tener el mesmu valor qu´una declaración que se presentare pel métodu normal. De fechu, estes cartes son parte d´un proyectu pilotu pol que se llegar a que polo menos el 50% de los asturianos tengan la posibilidá de facer la declaración per corréu. Acoyese a esti sistema nuevu ye daqué volontario, y namás puede facelo quien ficiere l'añu pasáu declaración individual teniendo rentes de trabayu por cuenta ayeno.



La cuestión ye que l´Axencia Tributaria ta reduciendo costes y quier más ingresar les perres que seyan cuanto primero meyor y ensin falta de pasar peles oficines de l´alministración. Como l´alministración electrónico nun val pa toos pol baxu desarrollu que tien la internet nel nuestru país, Facienda quier más usar el corréu convencional, anque tamién puede facese la declaración per internet con toles garantíes de seguranza. Sicasí, lo mesmo per internet que pel corréu hai riesgu d´error nes declaraciones si nun hai un espertu en materia fiscal tres d'elles. Otramiente l' irpf tien delles novedades pa esti añu, casu de la paga a madres trabayadores o la rebaxa de les retenciones.