28 conceyos na llista de la Xunta de Toponimia

A la Xunta de Toponimia ta amontonándose-y el trabayu enriba la mesa. Según anuncien los sos responsables, son yá 28 los conceyos que solicitaron formalmente la revisión por parte del organismu dependiente de la Oficina de Política Llingüística, coles entraes na llista nestes últimes selmanes d'Uviéu, Pezós, Santu Adrianu, Grandas de Salime y Ribedeva.

Otramiente, la Xunta de Toponimia sigue trabayando n'espedientes de más conceyos como ye'l casu del de Xixón y cuéntase con qu'a la vuelta del descansu de la selmana santa, el Conseyu de Gobiernu del Principáu d'Asturies oficialice nes primeres selmanes d'abril los trés primeros espedientes, que son los de Carreño, El Franco y Llanes.