2003, l’añu del CO2

Los nuevos datos acabantes d'espublizar pola Alministración Atmosférica y Oceánica de los EEUU (NOAA nel orixinal inglés) dicen que'l 2003 foi l'añu en que se rexistraron mayores niveles de diósidu de carbono (CO2) n'atmósfera terrestre.

La NOAA remembra que les más de les emisiones de dióxidu de carbono vienen de la producción enerxética a partir de combustibles tóxicos y qu'estes son la causa principal del cambéu climáticu. Los analís de CO" atmosféricu de la NOAA entamaron a facese nos años 50 del sieglu XX. Daquella, les mediciones daben valores de 315 partes por millón (ppm) de CO2, y d'entós p'acá esa cantidá medróa razón de 1,5 ppm cada añu. Ello foi asina hasta llegar al 2002 y 2003, que la xuba foi de 2,5 ppm. Los científicos americanos de la NOAA tienen pa ellos qu'estaxuba pue debese en parte al mayor consumu de combustibles de China y de la India per aciu del so consumu industrial

Dende 1950, la tasa de CO2 n'atmósfera xubió un 31%, y anque la xuba nel gastu de combustible fósil ta nel guañu de la cuestión, la perda de masa forestal, que quita renovación d'osíxeno, tamién tien muncho que ver con ello.