20 d'ochobre de 1937

N'ochobre de 1.937, la guerra civil taba dando les boquiaes nel Cantábricu. Acorripiaos pol exércitu nacional, la derrota del frente norte yera cuestión de díes. Ye nesti contestu que'l Conseyu Soberanu d'Asturies y Llión celebró una reunión estraordinaria en que se decretó la disolución del órganu de gobiernu que mandó Asturies durante los meses de la guerra. L'escritu, desesperáu, esplica les caberes decisiones del Conseyu cara a evacuar pel Puertu d'El Musel, les órdenes de destrucción de les infraestructures básiques productives del país y tamién, al final del documentu, el discutiniu que tuvieron los gobernantes a cuentu de si facía falta afusilar a los presos facistes o si se-yos perdonaba la vida.

El documentu col acta d'esta xunta estraordinaria perdiose d'aquella p'apaecer en 1.973 gracies a les investigaciones del abogáu Antonio Masip, quien depués fore alcalde d'Uviéu. Cinco años depués, Masip espublizó'l documentu nun artículu na revista El Basilisco, onde tamién esplicaba como foi a dar con esti papel históricu y apuntaba dellos comentarios y conclusiones sobre elli. La revista n'internet Asturies Republicana ta acabante de recuperar esta publicación de 1.978 y colgala na rede