10.000 euros pa la oficina de normalización en Siero

Xosé Firmu Cossío ye dende la otra selmana'l responsable de la Oficina de Normalización del conceyu de Siero. Con cerca de 50.000 habitantes, Siero ye'l sestu conceyu n'entrar a la rede de normalización del Principáu y tamién ye ún de los que lo faen con un proyectu más afitáu en cuantes a medios y financiación

Anque'l departamentu de Xosé Firmu va funcionar a mediu xornal a lo llargo d'estos pocos díes que-y queden al añu 2004, dende'l mes de xineru va pasase a xornada completa. El conceyu de Siero va facese cargu dafechu de los gastos de personal que tien presupuestaos la oficina, pero ello ye que, al marxe de los recursos propios del departamentu, la Oficina de Política Llingüística va poner 10.000 euros a lo llargo del añu 2005 p'actuaciones concretes en materia de normalización