1 de mayu cociendo fuelga

Los sindicatos asturianos celebren otru añu más la fiesta del 1 de mayu per separao. D'una parte, los mayoritarios UXT y CCOO manifiéstense esta mañana n'Avilés, ciudá simbólica esti añu pola engarrada que lleva calteniendo cola alministración asturiana en temes d'inversión. D'otra banda, los minoritarios CSI y CXT xunta'l sindicatu d'enseñanza Suatea faen esta mañana la so tradicional manifestación en Xixón baxo'l lema "nun hai llibertá ensin derechos sociales".Sicasí, lo más importante nesti primeru de mayu nun ye otro que la fuelga que tan cociendo les grandes centrales sindicales CCOO y UXT en protesta pola reforma del mercáu llaboral del gobiernu estatal y el recorte a les prestaciones y derechos de la xente en paro. Yá hai hasta una fecha posible pa hacia mediaos de xunu pa la que sedría la primer fuelga xeneral en seyes años de gobiernu del Partíu Popular