Álvarez Peña va falar sobre 'El Día Difuntos na tradición asturiana'

A les 19 hores d'esti miércoles en Xixón.

La Lliga Celta d'Asturies entama esta actividá col oxetivu de dar a conocer les tradiciones que se veníen celebrando nel país –qu'en dalgunos llugares entovía se caltienen– y que nes últimes décades tán perdiendo terrén por mor de la festividá estauxunidense de Halloween y l'influxu del cine y la televisión. La charra, de nome 'El Día Difuntos na tradición asturiana', va principiar a les 19 hores nel salón d'actos de la Biblioteca Pública Xovellanos y l'encargáu de dala ye Alberto Álvarez Peña, etnógrafu de la Fundación Belenos.