Álvares Sostres, voceru del Grupu Mistu nes comisiones d’Educación y del Estatutu de Diputáu

|

Los ocho partíos que conformen el Grupu Mistu van tar representaos por Enrique Álvarez Sostres (Foro de Ciudadanos) nes comisiones d’Educación y del Estatutu de Diputáu. L’asturianu dixo tar “ilusionáu” por esti retu.

Na reunión tamién decidióse que’l parllamentariu asturianu fora’l voceru axuntu del grupu nes comisiones de Fomentu y de Cooperación Internacional, que van llevar un representante del BNG y d’Amaiur, de manera respeutiva. Tres l’aconceyamientu, Álvarez Sostres amosó la so ilusión por esta etapa nueva y afirmó que "resulta estimulante trabayar nunes materies de tanta incidencia p'Asturies como son Educación y Fomentu”.

Mentes, Amaiur va ser la formación que va falar en nome del Grupu Misto nes sesiones del Congresu, amás de llevar un total d’ocho comisiones: les que traten los asuntos rellacionaos con terrorismu y política penitenciaria (Interior y Xusticia) y les d’Economía y Competitividá, Facienda y Alministraciones Públiques, Cooperación Internacional, Siguimientu del Pautu de Toledo sobre les Pensiones, Discapacidá y Cambiu Climáticu. Estes comisiones constituyiránse'l 17 y 18 de xineru nun actu nel que van tar presentes los cuatro vicepresidentes de la Cámara Baxa, Celia Villalobos, Javier Barrero, María Dolors Montserrat i Montserrat y Jordi Jané i Guasch.

 

Contador Estadistiques