¿Tendría de dimitir el Conseyeru de Cultura?

La yá de por sí feble situación de la llingua asturiana nel sistema educativu lleva meses aguantando una riestra d'agresiones qu'amenacen con convertila nuna materia marxinal sin nin siquier una denominación decente dientro de los programes educativos, ya que la conseyería anecia en dexar la denominación "bable/asturianu" en cuenta de "llingua asturiana" pa una materia que tampoco nun tien un curriculum propiu. Les declaraciones del Conseyeru sobre esti asuntu, (ver n'Asturies.com la entrevista que-y ficieron a Vallina pa Les Noticies), dando a entender que nun cree que tenga entidá d'idioma cuando se-y entruga pola so opinión personal al responder que nun quier marcase, tampoco nun dexen llugar a dulda nesti asuntu: les mesmes instituciones que tendríen de defender la llingua son les primeres en desentendese d'ella, cola mesma persona que dirixe la Conseyería al frente. Cada vez más organizaciones y persones destacaes tan clamando pola dimisión del Conseyeru de cultura, una cuestión que queremos convertir en referendu na encuesta de la nuestra sección Conceyu Abiertu.Más información en:- SUATEA- Xunta Pola Defensa de la Llingua Asturiana- Academia de la Llingua Asturiana- Educastur (portal d'educación de la Conseyería de Cultura)- Noticies de llingua n'Asturies.com