“Monologantres” el monólogu d’agora nel teatru Xovellanos

El teatru Xovellanos de Xixón presenta güei martes 13 d'avientu l'espectáculu "monologantres" desarrolláu pola compañía "Entresijo Teatro" que dirixe Eladio de Pablo y nel que se representen monólogos modernos de los escritores Emilio Menéndez, Raul Hernández Garrido, Roberto Corte, Adolfo Camilo Díaz y el mesmu Eladio de Pablo. Ente los intérpretes de los testos va tar Carlos Dávila, y nellos va falase de temes actuales como la inmigración, l'amor y el SIDA, una historia de boxeadores o una radiografía del machu astur a cargu d'Adolfo Camilo Díaz

El títulu de la representación "monologantres" fai referencia a que ye la tercer vegada que la compañía Entresijo fai esti montaxe, que nació d'una actividá más vieya que yera'l ciclu de llectures dramatizaes d'autores asturianos. En cualquier casu, la d'esti añu naz ciguada, en cuantes que taba prevista pal sábadu 10 pero tuvo de retrasase por culpa de los problemes qu'hebo cola suspensión de les actuaciones del cantante Joaquín Sabina.